EUSKARALDIA BAIETZ INTXAURRONDON

2018ko azaroaren 23tik abenduaren 3ra bitartean, Euskaraldia, 11 egun euskaraz ekimena gauzatuko da Euskal Herri osoan. Intxaurrondon ere ariketa sozial hori martxan jartzera goaz!

“Baietz 20 egun euskaraz Intxaurrondon” auzo ekimenaren jarraipena izango dugun egitasmoa izango da eta horretarako dagoeneko lanean hasiak gara. Lan taldera animatuz gero, idatzi helbide honetara: plazaragoaz@gmail.com.

INTXAURRONDOKO LELOA ETA LOGOA:

Euskal herri mailan erabiliko den lelo eta logoa, Intxaurrondora egokitzea erabaki genuen eta aurreko erronketan bezala, “baietz” hitza sartu diogu leloari. Hona hemen auzoko logoa:

Logoa Lauaizetako ikasle eta irakasleek sortua izan da eta lekoa auzotar desberdinek aukeratua.

INTXAURRONDOKO ABESTIA

Intxaurrondoko hainbat auzotarrek, “20 egun baietz intxaurrondon” erronkarako “AI AIZU” abestia sortu zuten. Oraingo erronkarako abestia moldatzen ari dira. Hala ere, hemen atxikita duzue 20 egunetako erronkarako sortua izan zen bertsioa:

Abestiaren letra:

AI AIZU!
AI AIZU, JABETZEN AL ZARA,
BADUGULA INDAR BAT, AUZOA BILTZEN DUNA.
AI AIZU, HIZKUNTZA ERABILI
PAUSO BAT AURRERA, EUSKARAZ BIZI.
EUSKARA GAU TA EGUN ZABALDUZ
ANIMA ZAITEZ
IZAN AHO BIZI
EDO BELARRI PREST
GURE AMETSA BETE DEZAGUN, LANEAN GAUDE
ETORRI LAGUNA,
ELKARREKIN BAIETZ!
EUSKARA GAU TA EGUN ZABALDUZ
ANIMA ZAITEZ
IZAN AHO BIZI
EDO BELARRI PREST
GURE AMETSA BETE DEZAGUN, LANEAN GAUDE
ORAIN INTXAURRONDON,
HOGEI EGUN BAIETZ! (egokitzapena: HAMAIKA EGUN BAIETZ)

“20 ordu baietz!” erronkari “20 egun baietz!” erronkak eman zion jarraipena. Oraingoan, “Euskaraldia baietz!” erronkari helduko diogu. Auzoan hasi zen gure erronken ibilbidea eta auzoan eragiteko asmoz, euskal herri mailako erronka horri ere helduko diogu.

BAIETZ EUSKARALDIA INTXAURRONDON!